ردّت ريما الرحباني ابنة الفنانة فيروز على الانتقادات التي طالتها على خلفية مواقفها الأخيرة، موضحةً موقفها من “حزب الله” والقوات اللبنانية، ومؤكدة أن بوصلتها الوحيدة هي لبنان.
وقالت الرحباني في منشور لها: “أنا مش عم دافع عن الحزب، بس بمطرح ما في غيرو عم يدافع عن أراضينا ما بدكن تعترفولو فيها كمان؟”، متسائلةً عن المواقف مما يجري في الجنوب، ومشددةً على أن الجنوب أرض وبيوت وزرع وزيتون وأهله جزء من لبنان.
كما أشارت إلى وجود مسيحيين في الجنوب، وقالت: “هول الحزب عم يدافع عنن عارفين؟”.
وفي موقفها من القوى السياسية، أوضحت الرحباني أنها “منّي مع الحزب وإلي كتير مآخذ، ومنّي أبداً مع القوات بتاتاً”، مؤكدةً في المقابل: “منّي مع حدا نهائياً، أنا مع لبنان ونقطة نهائيّة”.
وكتبت: “ َولَو!! أساساً كيف فيهُن يكونوا هلقد مِش مِعنيّين باللي عَم يصير بالجنوب؟ يا جماعة هاي أرضنا وبيوتنا وزرعنا وزيتوناتنا وناسنا ولك شو بِكُن؟ أنا مش عم دافع عن الحزب بس بِمَطرح ما في غيرو عم يدافِع عن أراضينا ما بدّكن تِعتِرفُولو فيها كمان؟ عم يدافِع عنّكن تفضّلوا شَمِّروا وتوجّهوا للدِفاع عن الجنوب! شه! ولك فِي مسيحيّة بالجنوب عارفين؟ هول شو طالعين عنُنْ كمان؟ وإلا مِعتقدِينُن أعداء!؟ هُول الحزب عم يدافِع عنُن عارفِين؟ بِرجَع بكَرّر منّي مع الحـ.زب وإلي كتير مَآخِذ.. ومنّي أبداً مع القوّات بتاتاً، كِشْ برّا وبعِيد
ومنّي مع حدا نهائياً، انا مع لبنان ونقطة نهائيّة وما بَعدا سَطر.. غير سَطْر النَمِل”.
