اتهم عضو حزب “الكتائب” اللبنانية النائب نديم الجميّل “حزب الله” والرئيس السابق ميشال عون باغتيال رفيق الحريري وبيار الجميّل وجبران تويني وغيرهم قائلاً: “حزب الله اغتال رفيق الحريري وبيار الجميّل وجبران تويني وسائر شهداء ثورة الارز.. و كان العوني شريكه وعم يجاهر. حزب الله جر لبنان على حرب بالـ2006 وكان العوني عم بهلله. حزب الله عمل 7 ايار.. و كان العوني مستقوي فيه. حزب الله خطف قرار الدولة ودمّر علاقاتنا الخارجية والاقتصاد والمؤسسات وكان العوني شريكه ووصل على ضهره. حزب الله غيّر هوية لبنان وفرض ثقافة الموت والدمار اللي ما بتشبه اللبنانيين وكان العوني حليفه”.
وقال الجميّل عبر حسابه على “اكس”: 6 شباط 2006، يوم الاتفاق مع الشيطان، بـ6 شباط التيار باع روحه وكرامته والبلد كرمال كرسي ومصالح شخصية.. فكّ التحالف اليوم ما بيمحي المعاصي وما بيغفر الخطايا، و ما بعوّض الدمار والخراب، وما برجّع الشهداء اللي سقطوا”.
