ابني حبيبي
لا معنى لعام جديد انت لست فيه.
منذ ان رحلت وانا ابحث في كل الوجوه عن وجهك وانصت جيدا علي اسمع صوتك ،ابحث دائما عن ضحكتك التي لم تكن تفارق وجهك ابحث عن القلب الطيب الحنون والشهم المليء بالخير بحب الناس وحب الحياة.
كان همك اسعاد الاخرين ..وكنت تبحث دائما عن اي شخص بحاجة للمساعدة حتى تساعده ما كنت تحب تشوف حدا مقهور، كانت سعادتك بإسعاد الآخرين. متل هالايام كان آخر عيد راس سنة بقضيه انا وياك لوحدنا لان كان في كورونا .وتمنيت تكون السنة الجديدة سنة خير للجميع وتمنينا ان السنة الجاية نكون نحنا وطارق سوا. ما كنت عارفة انو رح كون انا وطارق وحدنا بدونك يا روحي.
هلق انا وطارق عم نفتش عليك ،صارت الدنيا كتير بشعة بغيابك. بعرف انك بمطرح احلا بكتير من هالدنيا. بجنة النعيم وعم تشوفنا من فوق. يس انا يا ماما يا ريت فيي شوفك كانت دنيتنا جنة لما كنت فيها يا روحي يا أسعد. وانا وطارق منوعدك يبقى موقع اخبار عربية دايمًا مكمّل ومتل ما كان بدك يا حبيبي.
اشتقنالك
