في ظلّ الاوضاع والازمات التي يمر بها لبنان ولأن لدى الشعب اللبناني لا وجود لعوائق ان كانت مادية او عمرية ولأن الابداع والأفكار المميزة لا حدّ لها، قررت الشابة موريسا البدء بمشروعها الخاص the vintage dealer الذي يمثلها ويمثل ستايلها ويعطيها امل وشعور انها انسانة مستقلة،موجودة في المجتمع ولها مكانة، قوية، منتجة وقادرة على تحقيق ذاتها بوسط حدة وجود فرص العمل.
فان كنت من رواد مواقع التواصل الاجتماعي ومن محبي الستايل والالوان المميزة فلا بد انك قد رايت من خلال تطبيق instagram متجر “The Vintage Dealer”.
وفي حوار مع مراسل موقع “أخبار عربية” كريستيان نصر، تحدثت موريسا عن مشروعها، ونظرتها للموضة الكلاسيكية المميزة…
- عرفينا اكتر عن حالك!
- إسمي Morissa Shweiry، اختصاصي Radio TV بجامعة ال-NDU
- خبرينا عن مشروع “THE VINTAGE DEALER “، كيف اجت الفكرة، وهل اهلك كانوا من الداعمين، مين ساعدك لتحققي هالهدف؟
- بلشت فكرة THE VINTAGE DEALER لما شفت بوست عطتبيق Instagram لمعرض بقول في “بيع واشتري كل شي” فقررت إنزل عالمعرض، وبيع اغراضي الخاصة لأنني بالاصل بجمع غراض كلاسيكية (Vintage) ومن الغراض لي بعتن “كاميرا، ثياب، كتب”. ومن هون اجت فكرت الOnline Shop وبيع تياب vintage and second hand. أكيد أهلي كانو داعمين كالعادة فهم بيدعموني بكل مشاريع حياتي. وبالاصل امي كانت اكتر شخص ممنون لأني نضفت غرفتي من الأغراض.
- https://www.instagram.com/tv/CHNkApWDzvp/?utm_medium=share_sheet
- جميع الأصعدة بلبنان عم بتعاني وكترت كتير المشاكل، هل فكّرتي بالهجرة عغير بلد؟
- الوضع بلبنان صعب، والأزمات كرملها عم تزيد وأكيد فكرة الهجرة عطول ببالي، وكوني بتمتع بالباسبورت الامريكي فالهجرة ليست صعبة بالنسبة إلي. لا أعرف متى بس طبعاً فكرة الهجرة موجودة.
- محتواكي على مواقع التواصل الإجتماعي بفرجينا اديش انتِ اليوم انسان طبيعي وواقعي وخرج انو يكون عالشاشة باستمرار، هل فكّرتي بالتمثيل؟ واذا اي شو هو الدور يلي بتحسي بيلبقلك؟
- شخصيتي وأسلوبي فيهن عفوية، ولأني درست cinema يمكن أسهل إلي فوت بهل مجال. وأنا مثلت من قبل بدعايات وأفلام قصيرة. بس أكيد بالنسبة إلي التمثيل صعب وبدو موهبه وأنا ما بدي اتعدى عمهنة حدا.
- لمستك الخاصة بتظهر بكل اعمالك، شو شعورك انو فرقة Adonis جسّدو هالتألّق يلي عم تقدمي من خلال لبسن من متجرك ؟ وخبرينا مين اليوم عم تطمحي تشوفي من المشاهير بهيدا اللباس؟
- أول ما تواصلو معي فرقة ADONIS كتير فرحت! وأنا من المعجبين بهل فرقة. وبرغم وجود الكتير من ال-Online Shops وهني اختاروني فكنت فخورة كتير. مش هدفي شوف مشاهير بالثياب يلي عم بيعها بالستايل والالوان الجريئة والقليل لنشوف هالستايل على أد ما بهمني اني وصّل هالثياب الفريدة من نوعها للعالم يلي بحبو او صارو يحبو وبينطروا هالتميز بطريقة لبسن!
- https://www.instagram.com/p/CLMdxzTAJOv/?utm_medium=share_sheet
- من بعد تعاملك الكبير بعالم الأزياء، هل فكرتي بشي مشروع يكون داخله لمستك وزوقك الخاص ؟
- أكيد ال-Online Shop الخاص فيي ما رح يتوقف عشراء وبيع ثياب مميزه بل أكيد عندي مشروع خيط ثياب وعدل فيهن وصمم ثياب جديدة! انشالله ينجح هالمشروع لأن حالياً إرتفاع سعر صرف الدولار عم بحد من ابداعاتنا وال-Creativity بكل مشاريعنا.
- اذا ما كانت Morissa اليوم صاحبة صفحة the vintage dealer وعم تاجر بالتياب، شو كانت حتكون وظيفتها ؟
- أنا ما بعتبر The Vintage Dealer وظيفتي الأساسية ولو في فرص أكبر بلبنان كنت بشتغل بالإنتاج أو Casting Director on Set. بالنسبة إلي مشروع The Vintage Dealer بيعطيني شعور اني Productive وهالفترة لأنو ما في فرص عمل بتناسبني، فضلت حط طاقتي ب the vintage dealer
